A primeira quenlla branca a punto de cruzar o atlántico.

Este xigantesco exemplar de quenlla branca pode converterse no primeiro en cruzar o Atlántico dun lado a outro. Polo menos, o primeiro que os científicos puideron seguir paso a paso, dende que foi localizado en augas de Florida en marzo de 2013 ata agora, un ano despois, que se encontra a uns 1.600 km das costas de Irlanda e Gran Bretaña.

Ocearch, unha organización científica e sen ánimo de lucro que estuda as quenllas, colocou a «Lydia» unha etiqueta cando se encontraba en augas de Florida hai un ano, co obxectivo de seguir os seus movementos por satélite en tempo real. O exemplar foi elevado a unha inmensa plataforma, onde, ademais de marcalo, se lle extraeu sangue e se comprobou o seu estado de saúde, un proceso que durou quince minutos. Desta forma, os investigadores comprobaron que o animal viaxou, en total, máis de 30.500 km. O pasado fin de semana, cruzou a dorsal Atlántica, a cordilleira volcánica que marca unha liña divisoria aproximada entre o leste e o oeste.