Testeando, o novo xogo educativo.

Testeando é unha ferramenta educativa, lúdica e gratuíta pensada para profesores e estudantes.
Podes xogar de forma individual ou en compañía, de modo offline ata 8 xogadores ou de modo online ata 36 xogadores.
Todos os niveis dende Primaria ata ESO e Bacharelato (1º e 2º) e todas as materias tanto as de ciencias coma as de letras.
Testeando ofrece varias modalidades de xogo (Clásico, Tríplex,Infinítum...) con distintas regras (número de preguntas, tempo, uso de comodíns, ata tres comodíns (50%, 2 × 1, La clase)…) para que o alumno ou o profesor decida en cada momento cal é o máis adecuada, en función do tempo dispoñible en clase, a dificultade do test, os coñecementos do alumno...
http://www.testeando.es/
Espero que vos guste.

Células nai de persoas, obtidas por clonación

Trátase dun dos descubrimentos científicos mais importantes dos últimos anos e que máis vantaxes pode reportar para a saúde do ser humano, seguro que miles de persoas o van recibir con moita dose de esperanza e de ilusión.

Un grupo de científicos estadounidenses conseguiu por primeira vez células nai embrionarias co mesmo ADN (clonadas) dun adulto. O traballo é o primeiro éxito en humanos da técnica que deu orixe, por exemplo, á ovella Dolly, pero os autores insisten en que non se trata de obter persoas clonadas, senón en chegar á fase de blastocisto do embrión (arredor dos cinco ou seis días de desenvolvemento) para extraer as células nai. Teoricamente, estas poderían logo diferenciarse en tecidos que o paciente necesitase para un autotransplante, que, como terían o mesmo material xenético que o receptor, podería usarse sen risco de rexeitamento.